Sa interbyu sa DXC RMN Davao kang Allan Daca, uyoan sa biktima, gisaysay niini nga gikasab-an matud pa ang iyang pag-umangkon nga si Reynaldo Bustamante Libres Jr., sa iyang step-mother niadtong adlawa rason nga nilakaw kini apan wala na niuli diin ulahi niing gisuot mao ang pula nga polo shirt ug itom nga short pants.
“Gikasab-an ra man ‘to unya pagkahuman nilakaw ra og kalit. Wala na man nagpakita. Kabalo ka sa bata maglaag-laag lagi. Badlongon unya dili man pud magpabadlong usahay lagi,” saysay niini.
Nagtuo usab ang kabanay sa na-missing nga niadtong Agosto 23 sa dihang napa-blotter sa kapulisan ang insidente. Naadtoan na usab ang mga higala ug posibleng adtoan sa menor apan wala gihapon kini nakit-an.
Sa mga nakakita sa bata, mamahimong mo-contact sa musunod nga numero: 09109708113 / 09183985790 o sa Calinan Police Station numbers: 295-0119 / 09985987074. Pwede usab nga mag-message sa DXDC 621 RMN Davao Facebook page.
RadyoMaN Kirby Manzon
