Davao City – Gibutyag karon sa World Health Organization (WHO) nga mamahimo nang available ang pinaka unang vaccine alang sa coronavirus disease 19 (CoViD-19) sulod sa 18 ka bulan.
Gipaniguro ni WHO Chief Tedros Adhanom Ghebreyesus nga buhaton nila ang tanan sa tabang sa siyensya aron kini mahatagan og solusyon diin liboan na ka kinabuhi ang natapos ilabi na sa nasud China diin kini naggikan.
Subay niini, nagpadayon ang duha ka adlaw nga global research and innovation forum sa pagpanguna sa WHO didto sa Geneva, Switzerland aron mu-organisar og aksyon batok sa bagohay lang gipanganlan nga Corona Virus Disease 19 (CoViD-19).
Nagtapok sa maong forum ang mga key players lakip ang mga nag-unang scientists ingon man health agencies, ministries of health ug research funders aron ma-estudyohan pag-ayo ang pagka kritikal sa COVID-19 ngadto sa panglawas sa kahayupan ug tawo gani aron usab makamugna na og vaccines ug ubang tambal batok niini.
Kahinumdoman nga opisyal nang gitawag ang NCoV 2019 nga COVID-19 aron malikay sa stigma.
RadyoMaN Jason Amisola
