Koronadal City–May local transmission na sa COVID 19 sa Koronadal City ug pipila ka lungsod sa South Cotabato. Kini ang gikumpirma ni Provincial Health Officer Dr. Rogelio Aturdido Jr.
Nasubo usab kini human nga upat na ang namatay sa probinsya tungod sa COVID19 kung asa 2 niini gikan sa Polomolok ug tig-usa ang gikan sa Tupi ug Koronadal City. Pinakatiguwang ang anaa sa kapin 80-anyos ug 45-anyos usab ang pinakabata nga namatay.
Gikumpirma usab ni Dr. Aturdido nga anaa sa 21 ka mga medical workers sa South Cotabato ang nag positibo sa COVID19. Sa maong ihap, 11 gikan sa Koronadal City Health Office ug 10 gikan sa South Cotabato Provincial Hospital.
Samtang may 2 ka Doctor nga nagpositibo sa virus apan mild lamang ang simtomas. Sa karon miabot na sa 147 ka mga medical workers ang nakaquarantine.
Hangyo sa pamunuan sa IPHO sa katawhan nga magkooperar sa gubat batok virus ug dapat mamahimong matinud-anon kung may travel history ug may close contact sa nagpositibo sa COVID-19 aron nga dili mabutang sa alanganin ang mga health workers.
