Davao City- Nindot ang epekto sa paglugway sa Enhanced Community Quarantine (ECQ) kay inig human niini, gawasnon na unya ang nasud sa COVID-19 nga mikaylap sa daghang lugar sa Pilipinas.
Matud ni Davao City Health Office (CHO) Head Dr. Josephine Villafuerte, ubos kaayo karon ang ihap sa mga natakdan sa virus denhe sa syudad ikumpara sa ubang dapit sa nasud sama sa Metro Manila ug Luzon regions.
Subay sa ulahing talaan sa DOH, ang kaso sa COVID-19 sa Pilipinas miabot na og 7,000 kapin diin ang kaulohan nagtenir sa dul-an 5,000 ka mga kaso itandi sa Region XI nga anaa lamang sa kapin usaka gatus.
Sa maong gidaghanon, ang Davao City adunay nakatala og 104 hinoon ug pinakataas sa tibuok rehiyon apan mas ubos itandi sa syudad sa Cebu kinsa nakatala og 349 ka kaso ug pinakataas sa Central Visayan region.
Alang kang Villafuerte, mas maayo ra pod ang nagpadayon nga ECQ sanglit pinaagi niin, masi mapadali unya ang paghuman sa kalisdanan sa katawhan karon hatud sa COVID-19 crisis nga mihampak karon sa tibuok kalibutan.
Gipasabot sa opisyal nga kung buot sa katawhan nga madali ang paghuman sa krisis, gikinahanglang tumanon ang mga palisiya sa ECQ sama sa social / physical distancing, seguridad, monitoring, programa ug ayuda.
Nagpasidaan si Villafuerte nga kon padayong supakon sa katawhan ang ECQ ug lockdown, mas mag-antos pa gyod ang tanan sanglit wala ma’y ang mga industriyang mahibalik sa normal operations, gani gikabalak-an nga ang kalibutan makasugata og global recession ingon man usaka potential hunger pandemic sanglit daghan na karon ang gibati og kagutom ingon man tumang kawad-on.
Sa nahitabo karon, daghan ang nakitang angay usbon pananglitan ang realidad ug pamaagi sa kinabuhi,responsilibidad sa kaugalingon ug komunidad ug ang maong klase nga kausaban maoy angay hangupon sa tanan isip pagpangandam una paman hingpit humanon ang ECQ o GCQ.
RadyoMaN Joel Viray
