COVID pandemic: Psychosocial intervention kinahanglan

19

Davao City – Sa padayon nga paghapak sa krisis hatud sa COVID-19, daghan ang apektado dili lang sa panginabuhian nunot sa pag-undang sa trabaho apan bisan pa sa epekto sa psychological nga bahin.

Matud sa pagtuon sa International Journal on Medicine nga nakabase sa Amerika, ang COVID-19 sa karon nga panahon maoy hinungdan sa distress, anxiety, depression, ug insomnia nga nasinati karon sa mga tawo sa kalibutan.

Nakita karon ni Evangelical Minister Reverend Carlo Claveria ang kamahinungdanon sa psychosocial intervention gikan sa gobyerno aron ang mga Pilipino nga nakasinati niini matabangan sa ilang kahimtang.

Apan dismayado si Reverend Claveria tungod pakyas ang gobyerno sa paghatag og psychosocial intervention pinaagi sa DSWD nga magtubag sa epekto sa COVID-19 nga miigo sa katawhan.

Dugang ni Reverend Claveria, iyang nabantayan nga sagad sa mga tawo nga natam-an sa epekto sa pandemic virus na-usab ang batasan sama sa pagkawala sa gugma, walay gana sa kinabuhi, ug daghan pang uban.

Gisaway sa maong Evangelical Minister ang kagamhanan gumikan sa mga palisiya nga walay klaro sama sa motor barrier ug pagsuot face shield nga nagpasamot sa emosyon nga gidala-dala sa tawo karon.

Wala maka-uyon si Reverend Carlo Claveria sa patakaran sa gobyerno karon kung asa ang mga malls gitugotan nga mangabli apan ang mga kasimbahanan gilimitahan ang gidaghanon nga makasimba.




Gipasabot sa Reverend nga dako og ikatabang ang pagduol sa tawo sa Dios kay bisan og walay psychosocial intervention ang gobyerno basta naay Ginoo lig-on nga mubarog ang tawo sa COVID-19.

RadyoMaN Joel Viray

Facebook Comments