COVID positive nga 77- anyos nga taga-banwa sang Pilar, napatay samtang ginabulong sa ospital!

23

Pilar, Capiz- Ginkumpirmar sang lokal ng pangulohan sa banwa sang Pilar nga may yara sang napatay bangud sa COVID-19 sa nasambitan nga banwa.
Ginbawian sang kabuhi kahapon nga adlaw sang Domingo ang isa ka 77- anyos nga babaye nga residente sang Dulangan, Pilar nga COVID positive samtang ini ang ginabulong sa isa ka pribado nga ospital.
Setyembre 2 sang nakabatyag sang pag lain sang pamatyagan ang amo nga pasyente kabangdanan ini ang gindala sa ospital kag ginpaidalom sa swab test.
Kahapon nga adlaw ini ang ginbawian sang kabuhi bangud sa corona virus disease 2019 infection kag balatian nga pneumonia.
Samtang sa pihak nga bahin, ginpahibalo man sa Pilar LGU nga duha sini ka mga residente ang dugang nga nagpositibo sa COVID-19.
Ang mga ini ang lunsay babaye, nagapang-edaron sang 18-anyos kag high risk contact sang is aka COVID-19 Confirmed positive case.
Humalin sang nahibaluan nga mga high risk contacts, sila ang ginpakamaayo nga iga-isolate kag pagkabaton kahapon sang impormasyon nga sila ang nagpositibo sa COVID-19 insigida ang mga ini nga ginpadala sa Provincial TTMF(Temporary Treatment and Monitoring Facility) para sa mga asympthomatic patients nga nahamtang sa Capiz Gymnasium sa Roxas City.

file photo(c) – Pilar MDRRMO

Facebook Comments