Nag-umpisa na subong nga adlaw ang COVID-19 vaccination sa rest of pediatric population ukon sa mga kabataan edad 12 tubtob 17 –anyos sa Koronadal City nga ginpatigayon sa Christ the King Cathedral gymnasium.
Suno kay Glenn Mar Doctolero, health education and promotion officer sang CHO-Koronadal City nga ila ginalauman nga makabakuna sang 600 ka mga kabataan kada adlaw depende sa supply sang bakuna.
Ipatigayon suno sa iya ang vaccination sa ROPPs tubtob sa Biyernes nga adlaw, magluwas lamang sa adlaw sang Miyerkules tungod gintalana ini para sa barangay vaccination.
Paklaro pa ni Doctolero nga ang vaccination site sa Christ the King Cathedral gymnasium ang para lamang sa mga kabataan nga wala sang comorbidities
Samtang ang vaccination site sa mga kabataan nga may co-morbidities (Pediatric A3) ang sa bahin sang South Cotabato Provincial Hospital (SCPH).
Moderna ukon Pfizer vaccine naman ang iturok sa mga kabataan edad 12 tubtob 17-anyos.
