Covid ya ba tamen

Llorando el maga pamilia del un 59 anios moher quien ya muri na Labuan Hospital despues noquere dale el hospital canila con el cadaver del defunta porcausa suspected Covid este.
Asegun con el maga pamilia del Miercoles ya ataka mild stroke el 59 anios mojer y dayun sila ya lleva con este na Labuan Hospital.
Dayun tambien ya man swabbing conele hasta por ultimo enantes tarde ya despidi el mojer.
Pero noquere asegun el hospital dale con el pamilia el cadaver del defunta porcausa nohay pa sale el resulta del Covid test.
Malingasa el maga pamilia con el cosa ya informa canila el hospital y ta apela sila con el gobierno para ayuda canila para pwede sila dale decente entiero con el defunta.

Facebook Comments