Gipahibalo karon ni Cagayan de Oro City Water District General manager Engineer Bienvenido Batar Jr., nga lauman ang daghan pang mga paghinay ngadto na sa pagkawala sa suplay sa tubig ning dakbayan.
Kini gumikan matud pa sa himuong realignment sa distribution lines sa COWD, nga nakaapekto sa mga proyekto sa gobyerno lakip na sa mga non-revenue water.
Matud ni Engineer Batar Jr., nga lakip sa nakawala sa agas sa tubig sa syudad ang pagtrabaho sa proyekto sa Department of Public Works and Highways, particular ang pagmugna og drainage facilities nga nakaapekto sa transmission lines.
Dugang pa ni Engr. Batar, nga sukad sa miaging tuig gihimo na sa COWD ang ilang trabaho ilabina sa NRW reduction program nga naglakip na sa construction of metered areas, installation of data loggers, conduct of night flow and zero pressure monitoring, replacement of old meters ug daghan pang uban.
