General Santos City–Gibutyag ni Police Captain Reynato Dungca, Spokesperson sa Gensan City Police Office nga nakatala sila ug 290 ka crime rate sa syudad sugod sa bulan sa Enero hangtud na sa bulan sa Hunyo.
Pinakataas niini ang kaso sa kawat na mikabat ug 73 ka mga kaso, gisundan kini sa Physical Injury nga mukabat sa 67, samtang 49 usab ang kaso sa robbery.
Mukabat sab sa 38 ka kaso sa carnapping ang natala sa GSCPO diin pinakadaghang kaso niini natigayon sa Police Station 1.
Dugang pagbutyag ni Police Captian Dungca nga nakapagtala usab sila ug 24 ka kaso sa Homicide sugod sa bulan sa enero hangtud sa bulan sa hunyo 2019.
Gisundan kini sa kasong lugos nga anaa sa 22; samtang kasong murder nang anaa sa ihap nga 17.
Sumala ni Dungca nga dili ingon ka taas ang crime rate sa Gensan ug gani kontrolado pa sa kapulisan ang tanan.
Hangyo na lamang niini sa katawhan nga tabangan ang kapulisan sa pagsulbad sa mga krimen pinaagi matud pa sa pagsumbong sa kapulisan kung aduna silay nasayrang tawo nga nakahimo ug krimen.
