Crime rate sa Iloilo City nagnubo sang 32%

ILOILO CITY – Nagnubo sang 32% ang crime rate sa Iloilo City base sa data sang Iloilo City Police Office (ICPO).

Halin Setyembre 25 tubtob Oktubre 1, nalista sang ICPO ang 65 ka crime incidents sa syudad.

Mas manubo ini kon ikumpara sa pareho nga period sang nagligad nga tuig.

Mayoriya sa mga nabalhag nga kaso may ka-angtanan sa physical injuries.

Wala naman sang narecord ang ICPO angot sa kaso sang murder, homicide, rape, carnapping kag cattle rustling sa amo nga period.