ILOILO CITY – Ginpabugal sang Iloilo City Police Office (ICPO) ang pagnubo sang crime incidents sa una nga semana sang 2018.
Sa record sang ICPO may 45 ka incidents sugod Disyembre 30 2017-January 5 2018.
Mas manubo ini sang sobra sa katunga sa 98 nga narecord sa amo man nga period sang nagligad nga tuig.
Suno kay P/Insp. Mercylin Duero, ICPO Deputy Chief of Operations and Planning Section ICPO pila sa mga kanbangdanan kun ngaa nagnubo ang crime incidents amo ang deployment sang kapulisan sa nagakadapat nga lugar, pagdugang sang poilice patrols, kag padayun nga inspection sa mga on duty nga kapulisan.
Gindugang pa sang ICPO nga nakabulig sang paganubo sang crime incidence ang executive order 1436 ni mayor Jose Espinosa III nga nagalimit lang sa tubtob alas dos sang kaagahon ang operation sang mga bars, night clubs, disco bars, restaurants, kag iban pa nga kaangay nga establishments.
