Miubos ang crime volume sa Region 10 gikan November 2019 ngadto January 2020 kompara sa milabayng tulo kabulan gikan niadtong Agosto hangtud Oktubre 2019.
Kini ang gipahibalo ni Police Regional Office kon PRO 10 Director Police Brigadier General Rolando B Anduyan.
Dugang pa ni Police Brogadier General Anduyan nga atol sa iyang panahon isip Regional Director, ang rehiyon nakatala og 4,213 crime kumpara sa milabayng tulo ka bulan gikan niadtong Agosto hangtud Oktubre 2019 nga mitala og 4,941 nga miubos ngadto sa 728 o 14.73% crimes.
Na-obserbaran usab sa PRO 10 nga labaw sa katunga sa crime volume nag-gikan sa public safety index crime nga resulta sa nagkadaiyang vehicular accidents resulting to homicide, damage to property ug physical injury.
Nasayran usab na adunay tulo ka police offices sa rehiyon nga dako og na-contribute sa pag-ubos sa maong mga krimen ug kini mao ang Cagayan de Oro City Police Office nga nakatala sa 1,276 crimes, gisundan sa Iligan City Police Office sa 998 crimes ug Misamis Oriental Provincial Police Office sa 766 crimes.
Samtang, gidayeg usab ni Police Brigadier General Anduyan ang efforts sa matag police personnel sa rehiyon nga mitabang aron mo-ubos ang crime volume sa iyang pamunoon aron mahimo ang rehiyon nga malinawong puy-an, bisitahon ug trabahooan.
Gipasalamatan usab niini ang publiko sa pagtabang nga mapabilin ang kahusay ug kalinaw sa rehiyon ug sa pagsuporta sa kapulisan.
