ILOILO City – Nakarecord ang Iloilo City Police Office (ICPO) sang 14.53% nga pagnubo sang crime volume sa syudad sa bug-os nga 2018 kun ipaanggid sadtong 2017.
Naglambot sa 8,556 ka krimen ang narecord sang nagligad nga tuig nga mas manubo sa 10,010 ka krimen sadtong 2017.
Suno kay ICPO operations Head Supt. Joel Saliba dako nga bagay ang pagnubo sang krimen sa syudad bangud nakabatayag sang siguridad ang publiko.
Bunga man ini sang paghimakas sang mga police officers nga nagaserbisyo 24/7.
Ginapakita man sang record nga may 468 ka crime against person sadtong 2018 kun ipaanggid sa 881 ka kaso sadtong 2017.
May 420 ka crimes against propert sang 2018 nga mas manubo sa 654 ka krimen nga narecord sang 2017.
Naglambot sa 5,794 ka traffic incidents sang 2018 nga mas manubo sa 5,958 ka insidente sang 2017.
Pahayag ni Saliba, indi lang katungdanan sang pulis kag iban pa nga law enforcement agencies ang crime prevention kundi lakip na sang komunidad.
Photo via Raymund Silla
