General Santos City—Kasong kalapasan sa RA 9165 ang giatubang karon sa Criminology Student nga si Jeremiah Lupa, 19 anyos, Criminology Student nga taga Purok 3, Asai, Bula, Gensan kansa nasikop sa gihimong buy-bust operation sa Police Station 6, alas 11:00 ang takna sa gabie niadtong nakalabayng adlaw.
Una nang napalitan ug usa ka sachet sa gituohang shabu ang suspek nbga miresulta sa pagkasikop niini.
Matud ni Police Major Tirso Pascual, nga dugay na nilang ginamonitor ang iligal nga gimbuhaton sa suspek ug karon pa nila kini nataymingan mao nga nasikop sa ilang gihimong operasyon.
Samtang gikumperma usab ni Major Tirso Pascual nga apil sa ilang watch list ug sa watchlist sa PRO-12 ang nasampit nga batan-on.
Human kining nadakpan, duna silay gihimong follow-up operation sa source ni Lupa apan napakyas sila mga makumbinsi ang nasampit mao nga wala nadakpan.
Hinuon daghan sila ug nakuhang impormasyon bahin sa uban pang source sa suspetsado ug mao kini ang ilang gitutukan karon.
