Lambayong, Sultan Kudarat—May gisundan na karon nga lead ang Lambayong Municipal Police Station kalabutan sa pagpamusil patay sa kanhing bise gobernador sa Sultan Kudarat nga si Rolando Recinto.
Nasayran nga una nang gipusil ang biktima sa may National Highway nga sakop sa Barangay Bilumen, Lambayong, Sultan Kudaraty niadtong adlawng martes, pasado ala 1:00 ang takna sa ghapon.
Sa kasamtangan wala pa usab natumbok sa kapulisana ng motibo sa krimen tungod base sa ilang inisyal nga imbistigasyon sa pamilya sa biktima wala man matud pay nadawat nga bahad sa iyang kinabuhi ang kanhing opisyal ayha kini gipusil patay.
Nanawagan usab ang Lambayong PNP ngadto sa mga testigo sa krimen nga makig-alayon sa ilang buhatan aron maghatag ug pahayag. Samtang gisaad usab sa kapulisan nga ilang panuingkamutan nga masulbad gilayon ang maong kaso.
