General Santos City—- Kasong murder ang nakatakdang ipasaka sa suspek nga Jasser Addat, 23 anyos nga residente sa Saway, Brgy. Labangal ning dakbayan human nga malampusong nadakpan sa tropa sa Police Station 1 atol sa gipahigayong pursuit operation.
Sumala kang Police Senior Inspector Joel Abejero, hepe sa police station 1 nga positibong gitudlo ni PO1 Butch Balatayo ang suspek nga si Addat nga maoy mipusil kaniya.
Sa karon matud pa padyaon ang ilahang ginahimo nga imbestigasyon sa ilhanan sa mga kaubanan ni Addat sa pagpamaligya ug illegal nga droga.
Dugang pamahayag ni PSI Abejero nga katungod sa suspek nga manghimakak sa krimen nga iyahang nahimo, apan gumikan sa positbong resulta sa paraffin test, dili niya madeny ang ebidensya.
Sa kasamtangan, dili pa niya mabutyag ang hinungdan sa kamatayon ni PO1 Balatayo gumikan basi sa naunang pamahayag sa doktor niini, stable na ang iyahang kahimtang. Nakurat nalang matud pa sila nga dihang ilahang gibista sa balay tambalanan, nakabsan na sa iyahang kinabuhi ang nasangpit nga pulis.
Kalabot niini gibutyag ni PSI Abejero nga gibisita pa ni PNP Chief Director General Oscar Albayalde uban si PRO 12 Director marcelo Morales sa hospital si PO1 balatayo aron unta hatagan ug pasidungog.
Apan nadismaya matud pa kini dihang makit-an nga wala nay kinabuhi ang nahisgutan. Kung asa nakighinabi nalang matud pa sa pamilya ni PO1 balatayo ang labaw sa kapulisan.
Samtang gimanduan matud pa sila ni Col Raul Supiter, City Director sa GSCPO nga ipadayon lang nila ang pagtrabaho luyo pa man sa nahitabo sa ilahang kaubanan.
