Davao City – Adunay pag-ubos sa growth sa Pilipinas tungod sa mga nasinatiang krisis una niini ang pagbuto sa Taal Volcano ug pag-kuyanap sa COVID-19 sa nasod.
Sumala ni John Tria, Davao City Chamber of Commerce and Industry Inc.,(DCCCII) President, base sa report sa national government anaa sa 2.2% ang pag-ubos sa progreso tungod kay nihinay usab ang demand.
Matud ni Tria, dakung pahat sa mga farmlands ug production areas sa Southern Luzon region ang naapektohan human sa Taal eruption ug ang pagkuyanap sa COVID-19 diin daghang mga negosyo ang nanira tungod sa mga guidelines nga gipatuman sa kagamhanan aron malikay ang katawhan sa maong makamatay nga balatian.
Gipasabot usab ni Tria nga naapektohan usab ang panarbaho tungod sa mga giya nga gi-imposar sa gobyerno nga gipatuman usab sa mga kompaniya sama sa lockdown, Enhanced Community Quarantine ug uban pa nga maoy hinungdan nga naundang ang operasyon ug trabaho alang sa kaluwasan sa tanan.
Samtang giklaro usab ni Tria nga dunay mga intervention gihimo karon ang gobyerno aron mabatukan ang maong balatian ug ila pa kining gipaabot kung unsay resulta ini’g mawala na sa hingpit ang krisis nga gisagubang nato karon.
RadyoMaN Bernard Pantallon
