Magamit na karong bulan sa Abril ang critical unit sa JR Borja General Hospital.
Kini human gi turn-over ganinang buntag ang north wing admin and information building phase 1, kung asa mahimutang ang surgery nurse station, laundry linen, comfort room with public lounge, cadaver holding building ug critical care unit.
Matud ni Dr. Ramon Neri, ang chief of hospital sa JR Borja General hospital nga kompleto ug mahimong operational ang critical care unit karong Abril tungod kay gihulat na lang ang license to operate niini.
Nasayran nga balor sa 120 million pesos ang North wing sa Jr Borja Hospital nga korambos sa Department of Health ug local nga kagamhanan pinaagi ni Mayor Oscar Moreno.
Nasayran nga 700 mil ka populasyon sa dakbayan apan mokabat lang sa 80 ang bed capacity sa ICU sa siyudad, kung asa sa maong ihap 27 lang ang naa sa public hospital.
Ang critical unit sa JR Borja General Hospital dunay 8 bed capacity nga kompleto sa mga gamit.
Samtang, karong tuig 2020 matapos na ang infrastructure sa north wing kung asa ang JR Borja General hospital makabaton og 400 million pesos nga budget alang sa tuig 2019.
