Davao City – Magpahigayon og assessment ang City Social Welfare and Development Office (CSWDO) sa mga biktima sa dakong sunog sa Purok IKP ug San Jose, Brgy Duterte, Davao City pasado alas-3 kahapon sa hapon (Marso 9, 2021).
Sa interbyu sa DXDC RMN Davao kang Cecil Narciso, CSWDO staff, gibutyag niini nga pasiunang natunol sa mga nasunogan mao ang hot meal pinaagi sa CSWDO mobile kitchen.
Gawas niini, pasiunang tabang nga mahatag usab sa nahisgutan mao ang food packs, mga banig, ug uban pang gamit sa evacuation centers asa temporaryong mag-stay ang mga fire victims.
“Kanang kailangan nila didto, kaldero, banig. Gina kuan (endorso) namo na didto sa CSWDO district office. Sila na ang mag distribute didtoa,” matud ni Narciso.
Samtang, andam usab nga mutunol og hinabang ang silingan barangay sa mga nasunogan sama sa Brgy. R. Castillo, Agdao.
Nakatakda usab mutunol karong adlawa og hinabang ang DXDC RMN Davao pinaagi sa RMN Foundation.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
