General Santos City—- Nagpabilin pa sa kustudiya sa city Social Welfare And Development Office ang duha ka mga anak ni alyas Josefa human kining madakpan gumikan sa pagpamaligya sa nga hubo nga hulagway sa iyahang mga anak.
Sumala kang Becky Magante, labaw sa CSWDO Gensan nga napasakaan na ug kasong pagsupak sa R.A 7610, kasong pagsupak sa anti child pornography law ug qualified trafficking ang inahan nga anaa sa prisuhan sa Nbi-Sardo.
Sa karon maud pa ilaha pang ginatun-an kung kay kinsa nila itugyan ang mga anak nga nag-edad ug 7 anyos ug 3 ayos ingon man ang pag-umangkon nga pito ka bulan.
Dugang pamahayag ni Magante nga sagad matud pang gina-rason kanila sa paghimo sa samang krimen mao ang kapubrihon.
Apan dili matud pa siya kumbinsido nga tungod sa kalisod sa kinabuhi kayang ibaligya sa usa ka inahan ang iyahang mga anak ngadto sa mga pedophile gumikan usa matud pa kini sa naka-maot nga porma sa pagpangabuso sa mga kabataan.
Alang kaniya, pagkasilaw gyud sa kwarta ang usa sa hinungdan sa paghimo sa maong krimen ngadto sa mga kabataan,
Pagpaklaro ni Magante nga responsibilidad gyud sa ginikanan nga protektahan ang ilahang mga anak ug dili aron ibaligya pinaagi sa mga hubo nga mga hulagway,
Pamahayag niya nga dili gyud dapat magkumpyansa bisan sa mga miyembro sa pamilya gumikan wala matud pa nasayud kung unsay ginahimo ngadto sa mga bata.
