Davao City – Posibleng mamahimong 24 oras ang byahe sa City Bus kun mas nailhan nga Peak Hours Augmentation Bus Services (PHABS) sa Toril ug Catalunan Grande ingon man sa ubang lugar subay sa gihimong survey sa lokal nga gobyerno.
Kini ang gibutyag ni City Transport and Traffic Management Office kun CTTMO Head Dionisio Abude atol sa gipahigayong I-speak forum.
Matud niini nga naglusad sila og bag-ong survey ngadto sa mga pasahero sa PUJ terminals ug sa resulta sa pangutanang ‘Uyon ba ka nga di lang sa peak hours mubyahe ang bus? Hinuon mubyahe kini sa tibuok adlaw?’ 862 gawas sa 1,200 ka mga respondents kun 72 % ang miuyon.
Dugang pangutana sa survey mao ang ‘Uyon ba ka muplete sa mas taas nga kantidad alang sa komportable ug safety?’ diin 66 % niini ang miuyon kun 798 gawas sa 1,200 respondents ang buot ni mahitabo.
Gisulti usab sa hepe nga adunay 72% ang uyon kun 861 gawas sa 1,200 respondents sa survey ang miuyon sa pangutanang ‘Uyon ba ka nga bus ang mahimong main transport kaysa jeep.’
Subay niini, muagi pa sa proseso ang maong nahisgutan diin usa sa mga muatiman niini mao ang Land Tranportation Franchising and Regulatory Board kun LTFRB-XI ug gilauman sa kadaghanan basin pwede mapatuman ang maong mga pangutana kalabotan sa transportasyon sa syudad nga sagad giuyunan sa mga dabawenyo.
“So karon, naa na sa office ni Atty. Dwight Domingo (Sa City Administration) for submission sa LTFRB kay mao ni ang basehan sa LTFRB nga ibutang sa special permit nga instead of peak hours, basin pwede himuon nga i-extend ang serbisyo sa bus,” segun ni Abude.
RadyoMaN Renz Barbarona
