CTTMO: Dugang bus sa Toril ug Cat. Grande lauman

70

Davao City – Posibleng madungagan na ang pito ka mga bus nga naga-operate sa Davao subay sa gipatumang Peak Hours Augmentation Bus Services (PHABS) sa dakbayan.

Subay kini sa pamahayag ni City Transport and Traffic Management Office kun CTTMO Head Dionisio Abude diin ubay-ubay gihapon ka mga pasahero ang makasinati og pagka-stranded ug maglisod og sakay pauli tungod sa ulan nga miresulta sa baha.


“Pag mugawas ang special permit, instead sa peak hour, 24 hours na siya unya magdagdag na siya og bus units from 4 sa Toril, 3 sa Catalunan (Grande), information receive from the bus company magdagdag na ng 12 pag ma-approve na ang 24 hours na operation. Medjo ma-solve na nato tong dugay magpaabot tong pasahero magabii going to Toril and Catalunan Grande,” pagpasabot ni Abude.

Saysay pa ni Abude nga ang pagdugang og bus ug ang posibleng pagpatuman sa 24 hours nga byahe niin naggikan sa gilusad nila nga survey sa mga pasahero.

Gani sa karon ginahulat pa ang desisyon gikan sa Land Transportation Franchising and Regulatory Board kun LTFRB-XI og mupagula ba sila og special permit sa bus company aron magdugang og units ingon man mubyahe og 24 oras sa nasangpit nga mga routa.

RadyoMaN Renz Barbarona



Facebook Comments