Davao City – Nadamay ug naulawan ang buhatan sa City Transport and Traffic Management Office (CTTMO) sa pagkaaresto sa usa sa ilang mga traffic enforcers tungod sa droga.
Sumala ni CTTMO Head Dionisio Abude, nasubo kini sa panghitabo human nga naaresto ang giilang si Franz Jay Alferez Corpuz, CTTMO Member, 24 anyos, residente sa Don Lorenzo, Dacoville Subd., Toril ning dakbayan.
Kahinumduman nga sa buy bust operation sa San Pedro Police, napalitan sa kapulisan og usa ka sachet nga shabu ang suspetsado ug nakuhaan og iligal nga droga nga giipit sa usa ka reviewer.
Detinado na karon sa San Pedro Police Station ang dinakpan ug mag atubang og kasong dunay kalapasan sa RA 9165 (Comprehensive Dangerous Drugs Act of 2002).
RadyoMaN Don Pulayao
Facebook Comments
