Davao City – Hugot gikondena sa Police Regional Office XI ang pagpabusikad sa usa ka bus sa Aleosan, North Cotabato nga nikutlo’g kinabuhi sa 5-month old baby ug niangol sa laing 6 pa ka mga indibidwal.
Sa interbyu sa DXDC RMN Davao kang Police Major Eudisan Gultiano, PRO XI spokesperson, naka-full alert ang kapulisan sa posibleng spill over.
Gibutyag niini nga bisan walay specific threat ang Davao Region hugot nga nagbantay ang mga awtoridad sa pakigtambayayong sa military ug uban pang mga law enforcement units.
Hugot usab gibantayan ug giinspeksyon sa PNP ang tanang bus terminals batok sa dautang elemento, kontrabando ug eksplosibo.
Nanawagan si Gultiano sa katawhan sa pagsunod sa culture of security nga kung adunay mga kadudahang lihok sa mga tawo o mga kagamitan i-report kini sa kapulisan.
RadyoMaN Aimee Guinita
Facebook Comments
