BACOLOD CITY – Kapin 568 tanan ka mga menor de edad ang natigayon nga ma rescue sang napulo tanan ka mga police station sang Bacolod City Police Office humalin January 1 tubtub 31, 2018.
Ini angut sa violation sang amo nga mga menor de edad sa curfew for minors sa amo nga period. Ginpahayag ni BCPO Officer in charge, City Police Director S/Supt. Francisco Ebreo nga ini ang resulta sang kapin 192 ka mga operasyon nga ginpatigayon sang Women and Children Protection Desk nga nagresulta sa pagkadakup sang kapin 570 ka mga minors.
Nadakpan ang mga ini nga naga-lagaw pa sa dalanon humalin las 10 sang kagab-ihon tubtub las 4 sang kaagahon.
Angut sini, gin-ako ni Ebreo nga sulit-sulit lang ang ila nagaka-dakpan nga mga minors bangud wala man sang penalty ang city ordinance angut sa curfew for minors./dyHB BACOLOD
