Natalana amyendaran ang curfew ordinance sa ciudad sang Bacolod depende sa mangin quarantine status sini pag-abot sang Hulyo 16, 2020.
Sa interview sang DYHB kay Councilor Archie Baribar, ini ang mangin direksyon matapos ang mga public hearing kasunod sang hingyo sang business community sa ciudad sang Bacolod nga ipaisol sA alas-12:00 tubtob las-4:00 sang kaagahon ang curfew gikan sa orihinal nga las-10:00 sang gab-i tubtob las-4:00 sang kaagahon.
Suno kay Baribar himuon nila nga flexible ang amendment sa curfew ordinance para sa isa na lang sa diin kun magbalik sa General Community Quarantine (GCQ) ang ciudad sa Hulyo 16 ipabilin ang 10 PM to 4 AM curfew, kun MGCQ naman himuon nga 11PM to 4:00 AM kag kun balik na sa normal mangin 12 AM to 4 AM na.
Damlag pa ginhingyo sang Metro Bacolod Chamber of Commerce and Industry (MBCCI) nga isulon sa 12 AM to 4 AM ang curfew agud nga makabawi-bawi man ang mga negosyante. Sa masunod nga semana, tinguhaan ni Baribar nga mapasar sa city council ang amendment sa curfew ordinance.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
