Patay ang usa ka custom police human nakigpinusilay sa custom broker sa Barangay Macasandig ning syudad kagabie.
Matud ni Macasandig Police Station Commander Police Senior Insp. Abdul Alim Sumandar nga patay nang naabtan nila sa area si custom police Roy Angcahas nga dunay daghan pinusilan sa lawas.
Gidala usab sa Northern Mindanao Medical Center ang custom broker nga si Joed Pasataba nga nakaangkon og samad pinusilan sa liog ug dughan.
Matud sa driver ni Pasataba nga si Sigfred Roxas, nagpahatud ang iyang amo sa Rotunda kay naay kliyente.
Apan dunay nagsunod nila nga sakyanan hangtud nga pag-abot sa Rotunda, iyang giablihan ang iyang amo ug nanganaog usab ang sakay sa nagsunod nga sakyanan.
Nag-istorya si Pasataba ug Angcahas, unya nagkalalis hangtud nga miresulta sa pagpinusilay.
Sa karon padayon pa ang gihimong imbestigasyon sa kapulisan kalabot sa maong insedente.
By: RadyoMaN Annaliza Amontos-Reyes, RadyoMaN Mishelle Enloran ug RadyoMaN Ellah Baculio
PC: RadyoMaN Anne Jane Duhaylungsod
