Bukidnon – Uyon ang grupong Citizens Watch for Good Governance kon CWGG Region 10 sa gideklara nga martial law ni Pangulong Rodrigo Duterte dinhi sa Mindanao.
Sa interview sa RMN Malaybalay ngadto kang Atty. Antonio Soriano, ang convenor sa CWGG Region 10 ug usa usab ka political analyst, gibutyag ninii nga bisan suportado niya ang balaud militar apan kung mahimo sulod lamang sa 60 ka adlaw.
Matud niya ang martial law, martial law gayod nga gimanduan sa militar.
Giangkon ni Soriano nga adunay maayo nga nahatag ang martial law apan dili usab matago nga nahatag kini’g dili maayo nga epekto sa ekonomiya ug turismo.
Karon nga gitugutan na matud pa sa korte suprema unta daw dili na kini lugwayan pa ni Pangulong Duterte.
“Uyon ako sa pagdeklara sa Martial law except kung mahimo nga dili na gayud ni e-extend more than 60 days, kay kung atong basehan, martial law is martial law, kung atong tan-awon sundalo ma ni… wala na man tay local government officials, police man ni dakpon ta anytime, although dili pa na mao nakadaut man pud sa atong turism ug ekonomiya kining martial law ilabina ang mga check points” sigun ni Atty. Soriano.
Una nang gipasabot ni Pangulong Rodrigo Duterte atol sa iyang pagbisita sa 403rd peacemaker brigade dinhi sa Malaybalay nga iyang gideklara ang martial law sa tibook Mindano aron malikayan ang spill over sa kagubot sa Marawi City nga binuhatan sa Maute- ISIS.
