Gikompirmar karon ni Chief Inspector Ignacio Gamba III, nga Regional Chief sa Anti-cyber crime office sa Phil. National Police PNP sa Northern Mindanao, nga ila nang gisugdan ang ilang indeep investigation, sa mikalat nga information sa Face Book, nga nagbutyag nga nakasulod na dinhi sa Mindanao ang ISIS terrorist group, gikan sa Indonesia.
Ang maong information gitawag ni Camp Alagar Regional director Chief Supt. Timoteo Pacleb nga “Fake News,” kung asa nakasulat sa usa ka papil nga memorandum nga gipirhaman ni Supt. Rodulfo Hernandez, nga hepe sa Intelligence Division sa Camp Alagar niadtong Feb. 27 ning tuiga.Una nang gibutyag ni Camp Alagar Spokesman supt. Lemuel Gonda, nga gi-forge ang pirma ni Supt. Hernandez sa wala mailang mga tawo.
Matud ni Gamba, nga ang ilang in deep investigation basi sa verbal order nga iyang nadawat gikan ni Gen. Pacleb nga nagmando kaniya nga ilang imbistigahan, aron pagsuta kinsay responsabling mga tawo nga nagpakalat sa maong fake information sa Social Media.
Giila ni Pacleb nga malisyoso ang maong information ug nakadaot sa dungog dili lamang sa Camp Alagar apan sa tibook PNP organization.
Samtang……
Matud ni Gamba nga lakip sa ilang indeep investigation, nga posibling ilang ipatawag ang tanang tawong nagkopya sa maong information ug ilang gipakalat usab sa ilang Group chat sa Camp Alagar.
Apan giangkon ni Gamba, nga lisod alang kanila sa Anti-cyber crime office sa Northern Mindanao, ang pag-imbistigar sa maong info, dungan sa pag-ingon nga “highly technical” ang ilang gamitong proseso sa pag-imbistigar niini.
Tungod niini, nagpagawas ug public statement si Gonda mahitungod sa maong information.
Matud ni Gonda, nga ila nang gipa-validate sa Camp Alagar ang maong information ug hangtud karon peacefull ang area sa region 10.
