Cyberbullying: Duha ka mga estudyante nagdumog

95

Davao City – Cyberbullying ang gitudlong hinungdan og nganong misangpot sa pagdumog ang duha ka mga estudyante nga taga Daniel R. Aguinaldo National Highschool kun DRANHS nga nagdumog gawas sa skwelahan niadtong Agosto 27, 2019 diin migawas ang video niini sa unang semana sa Setyembre nga gi-upload sa social media.

Sumala sa DRANHS officials nga nagtungha sa ilang tunghaan ang duha ka mga grade 7 students nga sila alyas Ana ug Alyas Jane.


Sa imbestigasyuon sa tunghaan, nagsugod matud pa sa kinantyaway sa facebook ang away sa duha sama sa pag ingon og pangag ngadto sa usa ka estudyante ug misangpot na hinuon kini sa panagkita ug panagdumogay.

Makita sa video nga gipost sa usa ka netizen nga gibirik ni Alyas Jane si Alyas Ana ug nagbinalsanay ang duha gani gipasagdan lang kini sa ilang mga kauban niadtong tungora apan sa natan-awan nga grabe na, ila na kining giulang.

Subay niini, ipailawom sa counseling ang duha ka mga estudyante gani ang usa kanila gi-transfer na og laing swkelahan human sa hitabo samtang ang usa gibutang usa sa Drop Out Reduction Program o home study.

RadyoMaN Renz Barbarona

Facebook Comments

From Advertisers