DA-12 gimando sa mga LGU nga ipatuman ang "1-7-10 protocol" batok sa ASF

General Santos City–Gimando ni Department of Agriculture kon DA-12 Director Dennis Arpia ang strikto nga implementasyon sa “1-7-10 protocol” kon biosecurity and quarantine measure aron nga mapungan ang pagkatag sa African Swine Fever kon ASF sa kinatibok-an nga rehiyon-12.

Alayon niini nanawagan si Arpia sa mga local government unit kon LGU ug sa swine industry stakeholders magmugna og lakang aron nga maproteksyonan ang pagkatag sa ASF sa rehiyon-12.

Kini ang pamahayag sa nasampit nga opisyal human sa kompermasyon sa city veterinary office sa dakabayn sa GenSan nga nakasulod na sa Purok San Lorenzo, Barangay Apopong ang maong mga sakit sa baboy.

Sumala pa ang pagpatuman sa 1-7-10 protocol, sa mga LGUs dakong tabang kini aron nga dili mukatag ang ASF sa uban nga bahin sa rehiyon.

Sa kasamtangan padayon sumala ang pagkulikta sa blood samples aron nga ipailalom sa pagsuta kon aduna bay uban nga positibo sa virus sa uban nga hog industry sa Rehiyon-12.

Alayon niini nanawagan ang nasampit nga opisyal sa katawhan nga tabangan sila sa pagbatay aron dili malutsan ang ilang tagsa-tagsa ka mga lugar sa ASF.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide
#RMNFoundation
[image: 22222222222222222.jpg]