Ginturn-over sang Department of Agriculture ukon DA 12 ang tatlo ka mga irrigation projects sa Surallah, South Cotabato sang tinalikdan nga adlaw.
Mismo ginpangunahan ni DA 12 Regional Executive Director Arlan Mangelen ang turn-over sang Naci Solar Powered Irrigation System nga nagakantidad sang P7.8-million nga yara sa 40 ka ektarya ang service area kag potential area-40 ka ektarya, P11.11 million Matinong Diversion Dam and Concreting of Canal Structures nga yara sa 50 ka ektarya ang maserbisyuhan kag Moloy Intake Structure and Canal Improvement nga nagakantidad sang P1.7 Million nga may service area nga 26 ka ektarya kag 100 ka ektarya ang potential area.
Suno kay Regional Executive Director Mangelen nga ang nasambit nga interbensyon ang bilang suporta agud nga malab-ot ang katuyuan nga ‘Masaganang Ani at Mataas na Kita’ sang Department of Agriculture.
credit DA 12
