DA 12 kag provincial government nagturn-over sang delivery truck sa mga mangunguma sang kape sa South Cotabato.

Ginturn-over na sa mga benepisyaryo sang Enhancement Production and Marketing of Dried Green Coffee Beans sa probinsya sang South Cotabato ang isa ka hauling ukon delivery truck.
Suno kay Provincial Planning and Development Officer (PPDO) Jennifer Bretaña ang nasambit nga delivery truck ang nagakantidad sang P 1.7 million ang gintrun-over sa Tupi Coffee Growers Association Incorporated ukon TUCOGAI nga lead proponent group sang amo nga proyekto.
Lakip sa mga benepisyaryo sini ang mga coffee growers sa Tupi, Polomolok, Tampakan, Surallah, T’Boli kag Lake Sebu.
Nahibaluan nga ang nasambit nga programa ang sa idalom sang Philippine Rural Development Project ukon PRDP sang Department of Agriculture.
Ang proyekto ang may katuyuan nga mabuligan pa gid ang mga mangunguma sang kape sa probinsya nga mag-umwad ang ila nga produksyon.