DA 12, nagpain sang masobra P2.4 billion para sa agri- fishery recovery programs sa rehiyon.

22

Nagalab-ot sa masobra P2.4 billion ang ginpain nga pondo sang Department of Agriculture (DA) subong nga tuig para sa recovery initiatives sa agri-fishery sector sa SOCCSKSARGEN area.
Magapadulong naman ang daku nga pondo sa rice program nga may P1.2-billion, Livestock may budget nga P51-million, Corn Program may P124.9-M, yara naman sa P68.4-M ang para sa High Value Crops and Development Program kag P 12.4-M para sa Organic Agriculture Program.
Ginpahayag ni DA 12 Regional executive director Arlan Mangelen, nga sa nasambit nga pondo madamo sang mga mangunguma kag manugpangisda ang mabenepisyuhan padulong sa “Masaganang Ani at Mataas na Kita,
Samtang subong nga 2021 suno kay Mangelen , pasanyugon sang ahensya ang sektor sang agrikultura kag pangisdaan sa rehiyon kag palapadon ang serbisyo sang ahensya para sa mga lokal nga mga mangunguma kag manugpangisda.
Yara naman sa P2.3M ang ginpain para suportahan kag makabulig sa pagpabakod sang halal industry sa rehiyon.
Suno kay Mangelen, manguna ang ahensya sa pagduso sa pagpabakod sang industriya sang halal paagi sa pagbuo sang mas madamo nga produkto kag mapabilin ang availability sang raw materials sa rehiyon.

Facebook Comments