Ginsikyar mismo ni Department of Agriculture 12 Regional Executive Director Arlan Mangelen, upod ang NMIS, BFAR, NFA, FPA, kag local government (LGU) sang Koronadal City, ang presyo sang mga agricultural commodities partikular na karne sang baboy, baka kag manok sa merkado publiko sang Koronadal kahapon nga adlaw.
Kadungan sang nasambit nga inspeksyon,ginpahayag ni RED Mangelen nga magaisyu ang DA 12 sang Suggested Retail Price (SRP) sa tanan nga agricultural commodities kapareho na lamang sa pork liempo nga dapat yara lang sa PhP192.00 kada kilo kag sa whole chicken P146.00.
Pasiguro naman ni Mangelen sa mga bumalakal nga ang ahensya ang magapadayon sa pagtinguha sa pag-istabilize sang food supply kag presyo. Magapadayon man suno pa ang regular nga pagpatigayon sang price monitoring sa tanan nga merkado sa rehiyon dose.
May-angot sini, ginhangkat man ni RED Mangelen ang mga LGU’s sa rehiyon nga magpanday sang ordinansa nga magapapanaug sang pinalidad sa mga retailers nga magbayolar sa SRP sang mga agricultural commodities.
