Pito ka mga BIFF member nagsurender, ginpresentar sa top military officers kag government officials sa Maguindanao.

12

Pito ka mga miyembro sang Bangsamoro Islamic Freedom Fighters (BIFF) nga nagsurender ang ginrepresentar sa top military officers sang Joint Task Force Central kag government officials sa Guindulungan, Maguindanao sang tinalikdan nga adlaw.
Suno kay Gen. Corleto Vinluan, Jr., Commander sang Western Mindanao Command ang pito ang nagsurender sa 2nd Mechanized Infantry Battalion kag intelligence units nga nagaoperate sa lugar.
Ang aktibidad ang ginpatigayon sa 2Mech Bn sa Barangay Midtimbang, Datu Anggal Midtimbang (DAM), Maguindanao kag ginsaksihan nanday Brig. Gen. Jose Narciso Assistant Division Commander sang 6th Infantry Division; Col. Ferdinand Lacadin, Acting Commander sang 1st Mechanized Infantry Brigade; Guindulungan Mayor Midpantao Midtimbang, Jr.; Association of Barangay Captains sang Guindulungan President Pendatun Kamsa; iban pa nga military kag local government officials.
Ginsurender man sang mga miyembro sang BIFF ang lima ka high-powered firearms lakip na ang isa ka locally made 60mm mortar, 1 ka locally made cal. 50 Sniper rifle, 5.56mm M16A1 rifle, M1 Garand cal. 30, kag M1 Garand cal. 30 nga ginconvert sa M14 rifle.
Ginpahayag ni Lt. Col. Omar Orozco, Commanding Officer sang 2nd Mech Bn nga ipaidalom sa custodial debriefing ang pito sang intelligence operatives kag nakig-angot man suno pa sila sa PNP sa posible existing criminal cases batok sa nasambit nga mga indibidwal.
Sa datos sang JTF Cental halin Enero 1 subong nga tuig yara na sa18 ka BIFF members ang nagsurender.

Facebook Comments