Ginkalipay sang mga mag-uuma sa Probinsya sang Sultan Kudarat ang pagpain sang P40 milyones nga pondo sang Department of Agriculture ukon DA sa pagpanguna ni Agriculture Secretary Manny Piñol kadungan sang National Launching sang Production Loan Easy Acces ukon PLEA sa Natioanal Food Authority Regional Office sa Syudad sang Tacurong.
Katuyuan suno pa sang nasambit nga programa amo ang mahatagan tsansa ang individual farmer nga makahulam sang kwarta sa gobyerno pinaagi sa Agricultural Credit Policy Council ukon ACPC sa idalom sang Department of Agriculture.
Suno pa kay Secretary Piñol, 50 tubtub 150 mil ang pwede mahulam sang mga mag-uuma sa tion nga mapasaran ang ebalwasyon sang ACPC sa manubo nga interest rate kada bulan.
Dugang pa sang opisyal may kabug-san lamang nga sais porsyento sa sulod sang isa ka tuig ang saka sa principal amount nga mahulam sang mga mangunguma.
Samtang isyuhan naman sang identification card ang individual nga mangunguma sa diin i-encode sa computer ang tanan nga detalye sang applicant matapos ang background checking kag mapping sa area matapos i-cover sang drone ang lugar sang mangunguma.
Ang probinsya sang Sultan Kudarat ang pinakauna nga Probinsya nga nahatagan sang nasambit nga pondo nga gindbutang naman sa rural bank of lebak.
Gintambungan ang PLEA-NFA Program sang nagkalain nga grupo ukon association sang mga mangunguma sa rehiyon, Provincial-City-Municipal Agriculturist sa rehiyon dose, DA kag NFA regional directors kag ipan pa nga stakeholders
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
