Ginpahugtan na ang seguridad sa Christ the King Cathedral dire sa syudad sang Koronadal kadungan sang natabo nga pagsigabong sang eksplosibo sa Jolo Sulu Cathedral sang Dominggo nga adlaw nga ginkapatay sang 20 ka mga persona kag masobra isa ka gatos nga pilason.
Hingyo naman nila sa mga pumuluyo partikular na sa mga nagasimba suno kay Maam Valmie Mariveles, parish reporter nga mangin alerto kag indi magkahadlok tungod ginahimo man sang kapolisan kag mga gwardya sang simbahan agud nga maprotektahan batok sa mga malain nga elemento nga nagapanghalit.
Madumduman nga sang nagligad nga tuig isa ka eksplosibo ang nagsigabong sa gwa sang Christ the King Cathedral.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
