Davao City- Gipakusgan sa Department of Agriculture Region XI, ang biosecurity measures ilabina sa mga red zone areas nga apektado sa African Swine Fever (ASF).
Sa interbyu sa DXDC RMN Davao kang Ricardo Oñate DA-XI Regional Director sa kasamtangan wala nay mga reported ASF cases sa Region XI.
Matud ni Oñate, nagpatuman og repopulation sa Don Marcelino ug Malita, Davao Occidental aron masuta kung aduna pa bay presensya sa ASF sa maong lugar.
Giawhag ni Oñate, ang Local Government Units (LGU) nga magpanday og ordinansa subay sa Bureau of Animal Industry protocols kontra ASF.
“I-heighten nato tong biosecurity, ilabina sa atong surveillance and monitoring. Ang QRF katong mga ayuda direct gyod makuha sa mga farmers nato. Nakabayad naman ta sa atong indemnification,” sumala niini.
Dakong tabang sa mga hog raisers sa ASF affected areas, ang pagdeklara ni Presidente Rodrigo Duterte sa nasud og state of calamity tungod sa ASF.
RadyoMaN Aimee Guinita
