BACOLOD CITY – Indi na mag patukod ang syudad sang Bacolod sang bag-o nga building nga paga himuon bilang ‘Balay Silangan’.
Ini kasunod nga gin-assess kag nag-sugot na ang Philippine Drug Enforcement Agency (PDEA) nga usaron ang isa ka building sa sulod sang headquarters sang BCPO bilang Balay Silangan.
Gin pahayag ni Sally Abelarde, secretariat sang City Anti Drug Abuse Council, gina trabaho sa karon sang City Engineer’s Office ang mga facilities kag mga gamit nga paga usaron sa Balay Silangan.
Ang Balay Silangan ang isa ka center ukon lugar sa diin iga-house ang mga drug offender nga na sentensyahan para sa dugang nga pagtatap antes ibalik sa komunidad.
Suno kay Abelarde, ang syudad man ang maga butang sang mga persona nga maga bulig sa pagbag-o sang mga drug offender sa sulod sang tatlo ka bulan.
Samtang, gin pahayag man ni Abelarde nga na-download na sang Department of Budget and Management ang 10 milyones pesos bilang kabahin sang pondo para sa pag tukod sang Bacolod City Drug Rehabilitation Center sa Barangay Alijis.dyHB
