Matapos nga opisyal nga nabuksan ang bag-o nga Provincial Hospital sang Sultan Kudarat, may-yara naman sang dugang nga pasilidad sa probinsya nga nakatutok sa mga pasyente nga may coronavirus disease.
Ginpahayag ni Gov. Suharto “Teng” Mangudadatu kay Presidente Rodrigo Roa Duterte sa inagurasyon sang bag-o nga SKPH sang Biyernes nga himuon nga COVID-19 center ang daan nga ospital.
Suno kay Gov. Mangudadatu, madugangan sang 90 tubtob 120 nga hospital beds para sa mga COVID-19 patients.
Madumduman nga ginpangunahan ni Presidente Duterte ang inagurasyon kag unveiling ceremony sa New Sultan Kudarat Provincial Hospital sang Setyembre 24.
Ang bag-o nga SKPH ang gintukod sa 33,740 square meter sa sulod sang Provincial Capitol Compound nga may apat ka panalgan kag may kapasidad ng 399 beds.
Samtang nagpromisa man si Presidente Duterte sang magnetic resonance imaging (MRI) machine agud nga mangin well-equipped ang bag-o nga Sultan Kudarat Provincial Hospital.
Suno pa ang nasambit nga MRI machine ang nagakantidad sang masobra P100 million.
Ang bag-o nga ospital ang may-yara sang brand new medical equipment kapareho sang computed tomography (CT) scan machine, laparoscopy machine, mechanical ventilators, digital flouroscopy and ceiling mounted x-ray, kag floor-mounted x-ray.
Makapatigayon man suno pa ang ospital sang 2D echocardiopraphy, ultrasound imaging, electromyography, electroencyphalography, bronchoscopy, stroboscopy gastroscopy, plasma sterilization kag iban pa.
May-yara man sang gamit para sa reverse transcription-polymerase chain reaction testing nga gold-standard para sa kumpirmasyon sang coronavirus disease detection.
Sa ground floor naman sang ospital makit-an ang Malasakit Center nga ang pigado nga mga pasyenti ang sarang makapangayo sang financial assistance sa mga nagkalain-lain nga ahensya sang gobyerno kasubong sang Department of Social Welfare and Development, PhilHealth, Philippine Charity Sweepstakes Office kag Pagcor.
