Davao City – Gikalipay sa mga Dabawenyos ang kadaugan ni Catriona Gray isip Ms. Universe 2018.
Nagsininggitay ug nag-inambakay ang mga taga Davao sa dihang subling nasungkit sa Pilipinas ang pang-upat nga korona alang sa nasud.
Mi-uyon usab dinhi si Davao City Tourism head, Generose Tecson, diin sa pakighinabi sa DXDC RMN Davao gisaysay niini nga madasig ang mga Pilipino nga dili kalimtan ang pagka makabayan ug pagka proud isip Pilipino.
Sumala pa kang Tecson nga makita nga very patriotic ang unod sa tubag sa 24-year-old Fil-Australian beauty sa mga pangutana kaniya.
Dugang pa sa Davao City Tourism Head nga gi-awhag sa Bicolana beauty ang mga Pilipino nga balikan ang mga kina-iyang Pinoy sama sa paghatag og importansya sa mga kabataan.
Gibutyag usab ni Tecson na ang kadaugan ni Gray ang makatabang sa pagpalambo pa sa turismo sa nasud.
RadyoMaN Kirby Manzon
