Davao City – Gi-awhag karon sa Philippine Society of General Surgeons (PSGS) ang mga nag edad sa 40 pataas nga magpascreen na samtang sayo pa ingon man ang mga adunay history sa pamilya aron makahibalo kung aduna ba kini breast cancer.
Sumala ni Dr. Eillen A. Borje, usa ka breast surgeon, usa ang cancer sa hinungdan sa kamatayon sa tibuok kalibutan diin ang Pilipinas ang adunay highest mortality rate sa breast cancer sa tibuok Asia.
“Bisan wala pay makapa na bukol, kapag maliit pa yung bukol at potential na early breast cancer (patient) ka, mas mataas ang iyong survival rate,” matud niini.
Gipasabot ni Borje nga genetic mutation kun makuha gikan sa linya sa dugo sa pamilya ang balatiang cancer ug dili sa pagkaon.
“Walay study nga nag-ingon na its more on the food, its more on the hereditary,” segun niini.
Dugang sa breast surgeon, ang pag gamit og contraceptive pills, early menstruation ug late pregnancy pulos risgo nga magka-breast cancer ang usa ka tawo ug dili exempted dinhi ang kalalakinhan.
“Naay risk ang males to have one percent breast cancer because you still have breast issue although thin lang siya compared sa females because of the hormones na estrogen and progesterone for the development of the breast,” tataw niini.
Karong bulan sa Oktubre ginaselebrar ang Breast Cancer Awareness Month gani naghanyag PSGS og mga aktibidad aron mas mutaas pa ang awareness sa katawhan diin sa Oktubre 17 adunay forum mahinayon sulod sa Davao Doctor’s Hospital, Oktubre 24 laing forum usab sa Southern Philippines Medical Center (SPMC) diin adunay libreng breast exam ug biopsy samtang ipahigayon ang Pink Run nga magsugod sa People’s Park sa Oktubre 26.
RadyoMaN Jason Amisola
