Hinay matud pa ang dagan sa imbistigasyon sa kapolisan sa kasong pagpatay kang University of Science and Technology of Southern Philippines kon U-S-T-P ug Philippine Association of State Universities and Colleges kon PASUC president Dr. Ricardo Roturas.
Kini ang giangkon ni Cagayan de Oro City Police Office kon COCPO spokesperson Chief Insp. Mardi Hortillosa, gumikan kay nag-amping ang mga imbestigador sa pagtumbok sa mga suspek sa krimen.
Matud ni Hortillosa nga ayha pa gisusi sa Task Force Rotoras ang opisina niini sa pagtuong aduna silay makuhang ebidensya, kung asa nakita sa ilang imbestigasyon ang cellphone sa biktima nga hangtud karon dili pa nila maablihan tungod sa mga technical difficulties.
Una nang gipahayag ni Chief Insp. Hortillosa, nga wala pay nagpakitang saksi sa maong krimen bisan sa gihanyag nga 2.5 million pesos nga reward money.
By; Radyoman Aiza Enloran and Ellah Baculio
