Hinay hinay nang niluag ang dagan sa trapiko sa Kauswagan junction ning syudad.
Kini human gikuha na sa mga trabahante sa kontraktor sa Department of Public Works and Highways o DPWH ang mga harang sa dalan alang sa gitrabahong drainage sa lugar.
Matud ni DPWH Region 10 Spokesperson Vina Maghinay nga usa na lang ka poste sa Cagayan Electric Power and Light Company, Inc. o CEPALCO ang ilang gipaningkamotan nga mabalhin aron mapadayon na ang pagtrabaho sa drainage.
Gibutyag ni Maghinay nga inig mabalhin na ang poste posibling sa sunod semana masugdan na sa kontraktor ang pagkalot paingon sa Cagayan de Oro River.
Gilauman nga inig mahuman na ang gitrabahong drainage maminusan na ang problema sa baha sa Bulua Highway kay mabahin naman ang tubig paingon sa Sapang Creek sa Bulua ug sa Cagayan de Oro River.
