Gilauman karon ang dugang mga proyekto nga mamugna dinhi sa dakbayan sa malaybalay ilalum sa mga programa sa Department of Public Works and Highways (DPWH) kini human sa katumanan sa pag tukod sa pinaka unang First District Engineering Office (1st DEO) dinhi sa dakbayan sa malaybalay di palang dugay.
Sa gipa-ambit nga pahayag ni DPWH-X Regional Director Zenaida T. Tan gibutyag niini nga ang maong stablishemento nag langkob sa tulo ka andana nga building ug dakong tabang kini sa pas-pas nga pag lambo sa distrito.
Dugang pa niini nga timaan kini sa kusganong basihan nga ang 2022 usa ka malambuon nga tuig inubanan sa katumanan sa mga mas dagko pa nga imprastraktura.
Ang maong gambalay mao na ang mudala sa mga proyekto sama sa Planning and Design, Construction, Maintenance, Administrative, Finance, ug mag silbi usab nga opisina sa District Engineer ug Assistant Engineers.
Dinhi usab ipahigayon ang pagpamalit sa mga dagkong ekipo nga magamit sa mga road construction luna para sa mga Public Information section.
Facebook Comments
