Human nga gikoronahan isip Miss Philippines Quincentenario 2017 si Miss Mary Fern Dela Peña, taga Brgy. Baan Riverside, Butuan City ubay-ubay ang mga opportunities nga miabot sa 18 anyos nga dalaga. Kini ang gibutyag ni Ched Salera, Regional Director and Marketing Executive sa Miss Philippines 2017.
Niya pa nga mapasalamaton sila sa suporta sa katawhan sa Butuan bisan pa man nga walay suporta ang LGU Butuan.
Sumala pa nga si Dela Peña ang nakatakdang mouli sunod semana dire na sa dakbayan sa Butuan.
Gikoronahan isip Miss Philippines Quincentenario 2017 ug siya na ang giisip nga Ambassadress of Filipinas Quincentenario 2017 ang kanidata sa Miss Philippines 2017 nga gikan sa dakbayan sa Butuan, si Ms. Mary Fern dela Peña atol sa coronation night nga gipahigayun niadtong Sabado sa gabie didto sa kauluhan.
Madawat usab ni Ms. Dela Peña ang salapi nga 50 mil pesos ug korona gikan sa Philippine Quincentenario Inc.
Gita-od ang korona pinaagi ni Atty. Mark Tolentino, ang legal counsel sa Ms. Philippines ug Philippine Quincetenario Inc., kauban nila ni Mr Jun Alviso, executive director sa Philippine Quincetenario ug Don Joaquin Rodriguez, Chairman of Philippine Quincetenario Inc.
Una nang gireklamo sa manager ni Ms. Dela Peña ang walay pagpakabana sa local nga kagamhanan sa Butuan ngadto sa maong dalaga mao’ng midangop sila sa PDP Laban ug LGU Cabadbaran diin sila nakabatun ug suporta.
