Human nga milingkod karon si OIC Regional director Carlito Tuballa sa DENR region-9 daghan ug mga plano nga kausaban karon ang iyang gam-on dinhi sa atong probinsya ug sa tibuok Zamboanga Peninsula aron hingpit na nga mawala ang illegal logging.
Gikaingon pa niya nga dili lang ang illegal nga pagputol sa kahoy ang hinugdan sa pagbaha niadtong miaging tuig didto sa 3rd district. Kundili tungod usab sa kakusog sa ulan niadtong higayuna kay kahibaloan matod pa niya mga 230mm lang ang standard nga ulan sa maong dapit apan miaabot ug kapin 300mm ang tubig niadtong higayuna hinungdan nga daghan mga lugar ang gibaha.
Mao nang karon sa iyang paglingkod isip taas nga opisyal sa DENR maningkamot matod pa siya nga masugpo ang pagpamutol sa kahoy, maghimo usab siya ug mga programa nga makaayo sa atong palibot.
Alayon na usab sa kamanduan ni DENR Sec. Roy Cimatu nga usa sa hugot nga nangumpanya karon ang pakigbatok sa mina, illegal logging ug daghanan pa kaayo.
Nananawagan usab karon si Tuballa sa katawhan nga motabang pagbantay sa mga nagbuhat ug binuang ilabi na kung nakalapas kini sa nakalatid nga balaod sa DENR. Dili matod pa siya mosugot nga mahitabo pagbalik ang grabeng mga pagbaha human mihapak ang bagyong Vinta dinhi sa atong dapit tungod sa pagka gusbat sa mga kalasangan.
