DAHIL MAINGAY? | Pagdadawit sa mga miyembro ng Liberal Party sa kontrobersyal na pork barrel scam, tinawag na panggigipit ng isang mambabatas

Manila, Philippines – Tinawag na harassment o panggigipit ng Liberal Party ang pagdadawit sa kanilang miyembro sa Priority Development Assistance Fund o PDAF scam.

Giit ni Ifugao Rep. Teddy Baguilat na siya ring Vice President For Internal Affair ng LP, idinadawit ang kanilang partido dahil maingay sila laban sa charter change na isinusulong ng administrasyon.

Panahon pa aniya ni dating Pangulong Noynoy Aquino nang simulan ang imbestigasyon sa PDAF scam sa ilalim ni Ombudsman Cochita Carpio Morales.

Kaya tila binabaligtad aniya ng administrasyon ang kwento.